榮哥煮場 (已結業)

旺角站📍荣哥煮场-饮完养生茶，继续养生之旅。今次去荣哥煮场食花胶鸡煲😋二百零蚊两个人落楼，抵食！二人套餐（$268）二人套餐有四款可以简，分别系招牌酸菜鱼煲、药膳黄酒鸡煲、浓汤花胶鸡煲同胡椒猪肚鸡煲。套餐另外包一个小菜、两碗白饭、一个前菜同甜品。前菜系醋香云耳，微酸开胃。我地简左花胶鸡煲，继续养生之旅😎花胶鸡煲一上台个阵又唔觉份量多，只见深黄色既鸡汤同为数不少既花胶仔。一滚起就饮返啖汤先，浓而不腻，清甜滋补，而且饮到个质地系胶胶地、浆浆地，满满骨胶原😍👍🏻花胶虽然唔系大大旧，但量多，都有成十旧😙鸡件几滑，记得记得熄火，咁就唔会煮得太老😛鸡件食落都几多下！两个人都够晒饱。另外小菜要左黑松露煎肉饼，几札实，真材实料，淡淡黑松露味（个人觉得可以再重手d）。糖水有杨枝甘露，意想不到几好味，好滑，都几多料。环境方面，餐厅唔算好大，少少迫，但全场满座，都几多人食花胶鸡煲😜侍应上菜收碟都几快手，服务态度几好。