반찬앤쿡 Banchan and Cook (太古城中心)

营业中

休息中

见呢间餐厅一向都好多人排队，所以星期日特登嚟试吓午餐。排咗20分钟，staff 指示一张空枱同放低餐牌，原来系要出去落单同俾钱。见OpenRice推介蛋包饭，就叫咗一个炖牛肋条蛋包饭同埋一个牛肝菌蛋包饭，其中一个升级套餐，即刻加埋沙律同埋特调饮品（香蕉士多啤梨乳酪）。嘢食ready个灯牌会着，自己出去攞。一个大盘装住五个胶兜，卖相极不讨好，自己再攞外卖餐具返埋位。蛋包饭系将煎蛋放响饭上面，唔系日式嘅煎蛋包住饭。鸡蛋系正常嘅，可惜啲饭比较干同硬。牛肋条好韧，分开唔到一块块，唯有叉住一大件慢慢咬。有一个胶兜装住一啲菇同埋沙律，完全冇味，唯有同牛肋条加埋啲汁一齐食。至于另一个胶兜装住三粒好细同埋比较生嘅薯仔加好大pat沙律酱，就系升级套餐里面嘅沙律。唯一卖相比较可观嘅香蕉草莓乳酪，杯上面有三块香蕉片装饰，但就冇blend落去饮品当中。一饮之下，D冰有砂石咁大粒，好难饮。离开嘅时候，非常对不起，留低咗三份一份量嘅食物同埋好多胶。每人$150⋯去大快活应该食得开心好多。