酒筷子 (已結業)

网上食评见大部份人都系点𠮶几味菜，我哋都跟着叫 😝 前菜那个茄子系好食嘅，不过份量好似少咗啲。跟住第二味嘅就系鸡，就系今晚最好食！四个人叫咗半只啱啱好，食晒所有鸡皮！虽然好邪恶但真心欲罢不能👍 之后就系豆腐羮，好饮！底下嘅旦亦都蒸得啱啱好唔会太老。简简单单嘅蒜蓉菜啱胃口；但系如果同时间可以上两个菜或者三个菜会好啲⋯⋯因为感觉好似食完一碟再一碟。之后系妈妈赞不绝口嘅淮杨州炒饭，好食！留意到餐厅用嘅餐具都好重手，有些少替洗碗工惨；每一只碟都好鬼死重 😜 最后系安格斯慢煮牛肉，可能食到最后啦所以都有少少饱，一碟八件四个人啱啱好，最后系晚市送嘅十胜红豆砵仔糕very good。我嘅建议就系你去到先点咗安格斯牛（如果你想食呢个）跟住等厨房开始整大约10零分钟先至嗌其他𩠌会好啲⋯⋯总括嚟讲食得开心，成间餐厅所有餐具都好干净，食得好舒服。唯一缺点就系要上一条楼梯先至去到餐厅有啲老人家可能未必上到去 😅