京滬佳餚 (Fashion Walk) (已結業)

今次系我地第一次试呢间餐厅，四个人去食。入去𠮶阵两点，一入到去过咗最少20分钟都冇侍应过嚟俾menu我地，系要自己去攞🥵 之后等咗起码10分钟先有侍应嚟帮我地叫嘢食，其实咁大间餐厅，啲嘢食又贵，应该有返相应嘅服务质素，点解仲可以服务咁差？等好耐都冇人理我地🥱 最终到叫嘢食𠮶阵，我地叫嘅嘢全部都喺优惠下午茶餐牌度有，但我地当时唔知有呢份餐牌就咁单点咁食。下午茶系1:30-4pm都有。但侍应都选择唔提醒我地有呢个优惠，直接睇住我地受骗俾贵好多去食接近一样嘅食物。本身可以$300-$500埋单嘅食物，我地最终要俾成$700+😵😵 食物质素亦都好普通，只系片皮鸭同埋小笼包水准中上，但炒饭同埋葱油拌面都非常淡味。价钱咁贵嘅情况下水准咁样，真系唔值得再去帮衬。仲要入面冷气好唔够，喺天气三十度之下仲要喺冇乜冷气嘅餐厅食饭真系令人特别辛苦😓 总括嚟讲，呢度嘅食物质素平平，但服务非常恶劣而且等候时间过长，亦都提醒嚟食嘅人记得自己睇清楚餐牌，因为侍应唔会理你，唔会提你关于任何优惠😮‍💨 虽然下午茶餐cp值的确高，但绝对唔好叫单点，呢间真系可一不可再。