Drink氣鍋

营业中

休息中

食饭埋单一定要睇清楚，餐牌讲明有优惠，$698/1位，第四位半价，但系收返正价，走左先知。即晚（星期六）同餐厅讲返, 明明用fps 转数去私人户口，佢话要等会计星期二check数都算。等到星期二，无人揾我过，我再问，就话同事放左假，要明天，问我拎左户口。我再等，星期三又系无人揾我，我主动问，隔左一阵都唔覆，我最后忍不住骂佢。加上食嘅野同menu上嘅食物唔同，例如大头虾变海虾，豆苗变红苋菜。我一次过同佢讲返，佢话食私房菜不嬲系咁，又话当日海虾贵过大头虾。仲赖话个员工唔记得同我讲。我明白有时系会买唔到食材，但私房菜唔会完全唔知会客人，唔会上枱先知原来换左第二啲野食。佢全场只可以做2枱客，咁都通知唔到？咁有冇人通知个员工要同个客讲返先？骂完佢，佢星期三，四点几就退返钱。其实餐厅收多左钱，佢都无好主动退钱，一直拖，要你日日追，只系讲紧退几百蚊。如果唔想做优惠，可以改返个餐牌。上网睇返原来都有客人试过呢啲情况，又系换左食材，唔出声。讲真，位置又偏僻，价钱唔平，呢啲场一定系需要熟客，但服务咁差，就唔会有返头客啰，咁样值咩？