太平山餐廳

营业中

休息中

细细个去山顶，都见到呢间餐厅，但一直都无试过。今晚同家人庆祝生日，想揾间靓d有气氛嘅餐厅，就book咗呢间😊今晚天气凉凉地好舒服，所以就拣咗喺室外用餐，感觉气氛都好d。网上见评论室外好多蚊，好彩又无㖞，我咁惹蚊都无事。-小食拼盘~~~水牛城鸡翼：微辣，几浓味，正常味道酥炸鱿鱼：正常发挥，可能冻咗，d脆皮一夹就甩素咖喱角：好大件，比鸡翼辣小小，正常味中东包：普通薄饼，可以点d酱汁食整体嚟讲，小食拼盘好普通，不过不失。海鲜阔条面：蕃茄味，材料有虾，鱿鱼，青口，味道都ok烧烤汁猪排骨：份量好多，猪排骨劲厚肉，而且唔un好松化。薯条好好味👍🏻又脆又惹味。香烧阿拉斯加野生银雪鱼柳：呢个好味㖞👍🏻d鱼肉好滑，啖啖肉Book位时同职员讲家人生日，想甜品碟上写Happy Birthday。到职员拎甜品出嚟时，几位职员一齐唱生日歌，仲安排帮我哋影即影即有，餐厅仲准备咗亲手画嘅生日卡，将即影即有贴上生日卡上，好有heart呀🫶🏻家人表示巧高兴😁我都觉得好窝心好加分👍🏻👍🏻👍🏻-人均$400左右，价钱偏贵，但有时食嘢都系包埋环境，所以都合理。