白咖喱公司

营业中

休息中

因为唔想搭枱，11点几去呢间沙爹王副线食lunch，谂住佢唔系平价街坊茶餐厅唔使搭枱，因为一般茶记以外既普通餐厅，正常都系唔使搭枱。其实就算连锁茶记，都唔使搭枱的。之前食过旺角分店觉得几好味，同样叫麻辣白咖哩米线，今次唔知点解好淡无咩味。当清淡d。食食下无啦啦侍应叫个男士坐我对面，同我讲声都无直接叫佢坐我对面。其实我系为左唔想搭枱，先唔食茶餐厅专咁远登行过来食，平时沙爹王都唔使搭枱。如果要搭枱唔会来食的。依家先知原来呢间白咖喱公司定位系一间普通街坊茶餐厅。好彩无再加钱叫咖啡，即刻快快扒埋啖面起身走就算，如果唔系差不多成百蚊一个lunch仲要搭枱，食茶记咁好唔抵。建议佢同茶餐厅一样写返清楚，繁忙时间需要搭枱。