Gontran Cherrier (Restaurant) (已結業)

星期日两位3pm 左右去食嘢, 餐厅唔使排队，买面包俾钱条队就人流不断。餐厅内安排座位真系隔足1.5米，唔系求其揾块板隔吓坐满人。第一次食，各人叫一个洋葱汤，我要鸡和大啡菇三文治，朋友要墨汁牛汉堡。洋葱汤我食落感觉系鸡菜汤底，咸度啱啱好，配一件芝士多士。芝士多士好多cheese，正。朋友话洋葱汤各家各法，呢度个味似外国食𠮶d，不过我都系钟意牛汤底嘅洋葱汤，呢个我觉得唔够浓郁。我嘅三文治都几足料，非常饱，入面个汁好食，鸡和菇都系正常发挥，反而个包就无预期咁好，话系sourdough，但似普通西人包，无sourdough自然发酵个只酸味。朋友个墨汁汉堡我无试，话唔错。食完嘢去买面包。感觉大家有点疯狂，好似唔使钱咁，条队算郁得快。朋友返屋企后试咗original 牛角包，话系佢成年食过最好味，不过法棍baguette就麻麻地。我净系买左朱古力croissant同 杏仁牛角。朱古力普通，杏仁牛角入面有杏仁馅,外面有杏片和糖粉，好食。