Little Vegas

营业中

休息中

今时今日食饭除咗质素好，可以打卡绝对令到餐厅加分，呢间餐厅绝对满足到我嘅打卡欲望，餐厅环境七彩缤纷，多个打卡位，之前试过晚餐因为太多人有啲位影唔到，今次lunch time去食，全部都影到，价钱仲要比食晚餐优惠，食得好开心啲相又好靓呀。Lunch time价钱优惠，而且选择多，叫咗个焗鲈鱼，大大份，原来配埋薯角同沙律，食完都好饱肚。另外叫咗个小牛扒早餐，小牛扒唔会全熟，但牛味浓郁，好好味。初头我哋担心唔够食，所以叫咗个鸡翼小食同埋薯条，原来每个午餐一系配薯角一系配薯饼，都已经好足够，不过薯条新鲜炸起亦都好好味，强烈推介袖子鸡翼，鸡翼本身辣辣地，配甜甜地嘅柚子酱，超级好味，一定要试。餐厅多个打卡位，够晒特别，非常靓，食物质素亦都十分好，不过可能系平日lunch time原来唔系咁多人，这类型嘅靓靓嘅良心餐厅，有得打卡食物质素又好，大家一定要多多支持。