LeeLaksa

营业中

休息中

香芒大虾米纸卷～颜色色彩缤纷，蔬菜够晒丰富，每一卷都有一只大虾，沾上提供嘅芒果酱汁，入口好清新，啱晒作为开胃菜。班兰咖央多士～多士充满麦味，散发出淡淡香气，夹心有椰香和冻冰冰嘅牛油块，外松脆，内软滑，口感一流！李派海南鸡饭拼白胡椒肉骨茶～鸡件色泽鲜亮，无雪藏味，质地柔嫩，饭粒带有鸡汤香气。细碗嘅白胡椒肉骨茶，汤头甘甘地，仲有猪肉块嫩嫩嘅肉骨，每一口都充满了浓郁胡椒味道，呷一口，成身都暖哂😆新加坡喇沙～汤底浓郁而浓稠，充满椰奶香，辣得黎带有甜味，材料丰富，有虾、鱼片、鱼蛋、芽菜、豆卜，好吸汤，啖啖完美吸收浓郁嘅汤汁，份量好充足，一碗够哂二人分享！