蟠龍半島餐廳

营业中

休息中

今晚同朋友食生日饭，openrice预订咗枱，写咗「如有机会食甜品，请餐厅写庆生句子」，电话又提前讲过，听电话嘅女侍应有提醒我只有心太软同埋芝士饼可以写字，但𠮶时我未拣到要边款甜品，想自然啲现场倾咗先落order...到食饭时，我哋一开始成功铺排咗正餐后想食甜品呢件事，但正餐刚食完无耐，未等我提出不如叫甜品，一个女侍应竟然行埋嚟我哋张枱（𠮶刻已心知不妙）点知佢真系开口问：「请问你哋决定咗甜品系心太软定系咩未？」我哋明明无举过手话要甜品，当下真系好odd...全世界deadair 两秒你眼望我眼，被逼扮自然拣甜品回应，但睇到朋友嘅眼神，好明显佢已经睇穿咗，好sad帮人庆生咁多次，第一次遇到踢爆惊喜嘅猪队友竟然系间餐厅，内心真系好崩溃！！平心而论，呢度环境几好，食物质素同份量都唔错，今晚一切都几乎完美，唯独个结局...食完真系留下深深嘅遗憾，唉......