影片
更多
2022-04-22
111 浏览
刚刚社交距离松绑，马上去试一下西湾河新既韩国餐厅。星期五晚上7:20分到餐厅，好多人，所以只有比较窄既二人位。坐低点左两样野，（1）半半炸鸡同(2) 芝士辣海鲜炒年糕，之后有一张单俾我地，显示点菜时间为7:25分。之后就一直等，等到7:45分，开始觉得唔对路（等左20分钟咩都未有）。望下周围，发觉后面个枱都追紧单，我地马上叫埋个服务员跟进下我地张单（最后呢枱系取消order就走左）。再继续等，发现有点解枱枱都有两碟前菜，而隔离个枱就一路都有菜式上枱（又好似都几好服务），但我地咩都冇呢？等多5分钟，我地再叫服务员黎，问佢哋系咪应该有前菜。佢地话：有既，但冇哂碟所以要等下。我再问，我地等左30分钟，点解都未上到枱？佢地见我地开始不耐烦，就再去跟，过左一阵先至拎炸鸡同前菜黎。我谂住一路食住炸鸡前菜再等，食食下，就发觉又到8:10分，差不多45分钟都未有？唔通啲年糕仲坐紧飞机黎香港？我就去问佢地，先发现原来佢地漏左单。系呢个时候，都玩左一个钟，所以我就取消左个order 离开就算。当时，我地都发现有其他枱既客人都追紧单。食左炸鸡加一肚气，我就唔想留低，取消左order 俾埋炸鸡钱就走。付款期间
坐低点左两样野，（1）半半炸鸡同(2) 芝士辣海鲜炒年糕，之后有一张单俾我地，显示点菜时间为7:25分。之后就一直等，等到7:45分，开始觉得唔对路（等左20分钟咩都未有）。望下周围，发觉后面个枱都追紧单，我地马上叫埋个服务员跟进下我地张单（最后呢枱系取消order就走左）。
再继续等，发现有点解枱枱都有两碟前菜，而隔离个枱就一路都有菜式上枱（又好似都几好服务），但我地咩都冇呢？
等多5分钟，我地再叫服务员黎，问佢哋系咪应该有前菜。佢地话：有既，但冇哂碟所以要等下。我再问，我地等左30分钟，点解都未上到枱？佢地见我地开始不耐烦，就再去跟，过左一阵先至拎炸鸡同前菜黎。
我谂住一路食住炸鸡前菜再等，食食下，就发觉又到8:10分，差不多45分钟都未有？唔通啲年糕仲坐紧飞机黎香港？我就去问佢地，先发现原来佢地漏左单。系呢个时候，都玩左一个钟，所以我就取消左个order 离开就算。当时，我地都发现有其他枱既客人都追紧单。
食左炸鸡加一肚气，我就唔想留低，取消左order 俾埋炸鸡钱就走。付款期间，发现佢地好多外卖平台嘅order，又系做唔切。但明显见到，厨房既重点处理外卖平台既Order，delay哂坐系度既客既Order。
另外，我哋中间坐左好耐，个位比较窄，想换去刚空出黎Cart位，但被拒绝。当然，我地走之前其实都未有新客入去坐。
总括黎讲感觉好失望，餐厅管理好差，楼面唔够，出菜好慢，又漏单漏前菜。如果真系做唔到晚市堂食加外卖，就应该考虑做某一样野先，做好佢先。搅到宜家有咁既customer experience，好难唔上黎OpenRice 写返个晚餐日记。系咪因为停左晚市堂食太耐，宜家开返餐厅未ready 呢？
食物方面都评论下 - 我坐左一个钟都净系食到炸鸡🍗。原味炸鸡口感一般，比较干身，唔够juicy。甜辣炸鸡个汁味道不错。
张贴
