影片
更多
2015-01-06
2663 浏览
友人介绍, book左7点, 8点开始好多人. 去到第1个感觉系餐厅细细, 只有3张4人枱, 门外准备左3-4张枱.店员讲解餐牌有咩食,,, 介绍食物之后, 我地谂左阵, order左龙虾同羊鞍. 佢地既牛睇落都唔错, 见后枱客人的牛好大量又多肉汁.晚餐set 有餐汤, 沙律, 主菜, +$10 有甜品芝士饼...- 餐汤 (周打蚬汤) :细细碗好的骰, size 比茶楼既杯大d , 分量岩岩好. 睇落就知足料, 每啖都系材料, 调味得岩岩好.食到薯仔粒, 蚬,,,,而且浓郁够滑. 非常中意呢个汤. 好少餐汤都做到甘有heart. - 沙律 :通常set 都系汤/ 沙律拣一样, 但呢度2样都有, 饮完汤到沙律啦.沙律菜新鲜, 有青瓜, 车厘茄. 最特别都系个酱汁, 一般都系千岛/沙律, 最尽都系油醋汁.呢度既系用英式芥末做个沙律汁, 温和既辣味又几开胃.- 焗羊鞍 :一上菜, 就要用小匙整烂个焗薯, 热先易整散, 甘做令牛油更快溶入薯仔内. 个焗薯又系几特别, 因为食完唔会好腻, 原因就系一食既时候已经发现, 有少少酸, 系柠檬汁.成件事唔同哂, 冇甘腻. 而且配菜都好好味, 唔系he
店员讲解餐牌有咩食,,, 介绍食物之后, 我地谂左阵, order左龙虾同羊鞍.
佢地既牛睇落都唔错, 见后枱客人的牛好大量又多肉汁.
晚餐set 有餐汤, 沙律, 主菜, +$10 有甜品芝士饼...
- 餐汤 (周打蚬汤) :
细细碗好的骰, size 比茶楼既杯大d , 分量岩岩好. 睇落就知足料, 每啖都系材料, 调味得岩岩好.
食到薯仔粒, 蚬,,,,而且浓郁够滑. 非常中意呢个汤. 好少餐汤都做到甘有heart.
- 沙律 :
通常set 都系汤/ 沙律拣一样, 但呢度2样都有, 饮完汤到沙律啦.
沙律菜新鲜, 有青瓜, 车厘茄. 最特别都系个酱汁, 一般都系千岛/沙律, 最尽都系油醋汁.
呢度既系用英式芥末做个沙律汁, 温和既辣味又几开胃.
- 焗羊鞍 :
一上菜, 就要用小匙整烂个焗薯, 热先易整散, 甘做令牛油更快溶入薯仔内.
个焗薯又系几特别, 因为食完唔会好腻, 原因就系一食既时候已经发现, 有少少酸, 系柠檬汁.
成件事唔同哂, 冇甘腻. 而且配菜都好好味, 唔系hea做.
羊鞍大大件, 而且有2件. 要5成熟, 但系有少少失望, 因为切开见到大约7-8成到.
不过肉质都唔硬, 好易切开, 咬落有好多肉汁, 调味到位, 羊膻味好少好少, 反而想多d羊膻味.
- 蟹肉焗原只龙虾 :
惊喜黎啦, 原只上既龙虾, 已经起左肉, 食时都好方便.
材料好丰富, 有蟹肉, 菠菜, 蘑姑, 芝士.....放系龙虾内焗. 好香好吸引.
不过菠菜, 蘑姑切细d会更好. 龙虾肉又爽又弹牙, 虽然系雪柜拎出黎, 但食落都有海鲜味.
总括, 食物高水准, 分量大, 而且价钱合理. 只系环境比较细, 唔会坐得好舒服同耐.
张贴
