三原 (Cubus)

营业中

休息中

经熟人介绍，选择呢间餐厅嚟同女朋友庆祝生日。食物质素及大部份员工都好好，生日歌同甜品个part让我哋觉得好惊喜和开心，Ko San师傅及其他当日嘅员工都服务得到位及友善。唯独是男经理Frankie让我感觉体验欠佳。系煮和牛前Ko San师傅事先有介绍和牛品种。之后经理展示出一张标示著和牛信息嘅牌，可能我唔识睇，同一张纸上边分别写嘅都系来自宫崎嘅和牛，我哋点嘅系宫崎和熊本各一份。当刻我以为自己落错咗单，所以我系唔确定嘅情况下向经理咨询，经理语气强硬介绍一份系A4一份系A5及油脂分布各方面，并无清楚说明左边同右边分别是什么。我唔确定所以问边款系熊本，佢貌似好唔耐烦咁重复咗两次「左边啰 左边啰」，（真系想问声经理系咪系茶记定码头做过🤔？）。本身想出声讲，但系今日系女朋友生日，避免搞到不愉快。成个用餐过程我哋都系唔该前唔该后，唔明身为高级餐厅嘅经理解答问题点解都可以呢种态度，如果我知嘅话我就唔会问你啦。事后反映过该事情后店员提到另一位女经理会亲自打电话反映此事，俾咗时间又话好忙，之后讲经理WhatsApp再同我联络约时间，到头来并无任何后续！想讲呢间餐厅啲经理真系世一👍🏻一粒老鼠屎搅和成煲粥。