穴 (康怡廣場) (已結業)

同事／朋友都话呢间餐厅嘅其他分店嘢食质素同味道好又见康怡新开咗就订咗12月31号下昼1点钟食晏，本身订6位嘅后尾同其他同事讲我哋谂住试呢间餐厅，其他同事都表示有兴趣试，所以打电话转订10位，餐厅表示订枱人数如果超过8人就要俾1千蚊现金按金，咁我第2日走去俾按金。到12月31号我准时去攞位，点知个接待话安排分开两张枱俾我哋，我话点样分开两张枱?接待话前后两张枱，我即刻着火话：你哋餐厅点可以咁样安排架?！前后两张枱我哋点样倾计呀?！我系明白我哋10个人系要分两张枱，但餐厅唔可以安排平排两张枱咩？点解要安排前后两张枱呀？！咁样分枱坐我洗鬼订枱同俾按金咩？！我出出面揿飞就得啦！接待听完我发牢骚就话叫经理同我讲，经理听完竟然话我订枱时无讲清楚要1齐坐同埋话我唔可以话佢安排差！我听完经理讲呢句说话我仲嬲多几钱，我即闹佢：咁你系差吖嘛！在我而言你嘅安排超差啰！经理无道歉之如仲黑我面，又唔安排另外嘅枱俾我哋，叫我哋照坐呢张枱如果唔系就要等到有枱为止。我见情况无得改变而我嘅同事都嚟齐咗，唯有照坐低食，但条气劲唔顺啰！！虽然食物质素同味道好但我唔会再帮衬呢间穴啰！！！