暮舍 (已結業)

记住一定要book咗先至好去，我平日去都已经好满，因为佢嘅座位都唔算好多，大概有七至八枱左右，又有露天嘅范围，非常之舒服。店员嘅服务态度都非常之好，嘢食就更加唔使讲。我同朋友叫咗:黑松露意大利饭(HKD$108)松露味强得嚟唔觉得太浓，意大利饭都几烟靭。蒜香辣椒蚬肉意粉(HKD$98)蚬肉鲜得嚟又带有辣味，唔系好浓烈嘅辣，我觉得唔食得辣嘅朋友都可以试一次，因为都算易入口嘅。朱古力棉花糖奶盖牛角包窝夫(HKD$68)呢个真系要试，听落好似有好几样嘢食，但系食落去嘅口感好特别，有牛角包嘅烟韧，窝夫嘅脆，配合埋棉花糖嘅黏力，真系连唔唔系好钟意食甜品嘅朋友，都觉得非常好食。虽然好肥，但系一次半次嘢有乜所谓啊。每人埋单只需要HKD$240左右，因为我哋仲每人叫咗两杯嘢饮。