Vic's 酒廊 (已結業)

大食会晚聚前先黎round happy hour似乎已经成为指定动作 。中秋聚餐订于皇仁旧生会，欢乐时光就顺理成章喺附近间维景酒店一楼o既「Vic's 酒廊」度进行。小肥收咗工由湾仔行去，半个钟头内到达，比想像中快 。六点左右，酒吧已坐满人客，除咗有外地游客，本地酒客都唔少，唔怪得知周五、六都设有最低消费啦！当晚全店满座，不过唔算逼。楼面o既妹妹仔都好唔得闲，索取酒牌同叫杯饮品都要各等成十分钟 ，人手唔够，效率亦唔高。酒牌颇为残旧，饮品款式算OK多，不过如果想饮香槟或汽酒必须成樽叫，XO仔唯有叫咗杯欢乐时光可享买一送一优惠o既鸡尾酒「Snowball」 。「雪球」鸡尾酒似系加甜版雪碧，都几清新凉快！送酒有花生及薯片小食，不过小肥迟到，所以唔知要唔要额外收费，故不能评核是否抵饮抵食。