文鼎壹號 (已結業)

一班老友的开年饭加2/3月生日之星饭局，为左就脚即管试下！去到都多人等位，可能咁啱又有寿宴又春茗，无订位肯定等好耐！坐低睇餐牌原来选择唔多，价钱仲系中上果种！最后选左啲基本野，包括前菜烤夫，椒盐豆腐，主菜有麻婆豆腐，上汤菜心，樟茶鸭，九层塔猪肉，茶树菇蚊鸡，无花果朱肉，炒年糕，仲有甜品东方之珠！全晚最惊喜反而系麻婆豆腐，够辣！其他野真系一般！我觉得湾仔果间文鼎好食啲！个东方之珠其实系为左比人影相，除左佢个发光闪闪底座应记一功，最特别佢会伴个雪糕点黎食，其实两件事完全唔夹，都唔知搞咩！忠告无8/9人唔好叫，一黎贵，198一个咁既波，除非你带游客朋友或者鬼佬客为左影相！二黎坚食唔晒，免得浪费！仲有原来真系会播张国荣Monica 作为上菜音乐，但只限于酒席出呢个东方之珠既时候！注：全晚最烦系隔离港女阿妈唔知成枱咩活动，妈妈会或者生日之类，出出入入撞我张櫈2/30次，食餐饭啫，唔驶公关咁行黎行去，仲要sorry 都无声！希望你有缘见到呢个post,反省反省！