Outback Steakhouse (MOKO新世紀廣場)

营业中

休息中

今晚终于食到了我期待已久隔咗几个月的生日饭了， 经过一轮筛选最终拣咗旺角新世纪的outback， 贪佢食物份量够，坐得舒服冇限时。朋友推介了汇丰信用卡的一至四的优惠，叫咗两个特价set， 贪佢唔使谂咁多，乜都有啲。一个set包咗餐汤、黑糖面包、公司沙律和主菜， 而嘢饮同甜品要另外加钱。黑糖面包一如以往的好味， 公司沙律都好新鲜。美国谷饲斧头猪扒足18安士，份量十足， 肉质都可以不过略嫌煮得太熟，有啲韧。烧肉酱味猪肋骨拼烧鸡半只猪肋骨都好大份，肉质几淋，但酱汁味道咸了一点点，盖过了猪肋骨的味道。 烧鸡就不过不失。 要赞吓的是个薯条，炸得好松化，好好味热辣辣。带子烟肉白汁烩饭烟肉卷住啲带子， 把烟肉的油香渗在带子内但又唔觉得油腻， 这个配搭得唔错，白汁烩饭烹调得味道刚刚好。香草蕃茄海鲜意粉海鲜配料分量都唔少，感觉新鲜， 整体味道不错。