百匯軒

营业中

休息中

第一次帮衬百汇轩，估唔到街坊酒楼嘅食物质素都有返咁上下水准㖞！我地六个人，点咗个八人套餐，其实份量都只系啱啱好，可能大家刚刚收工，胃口大开啦！最惊喜嘅系：波士顿龙虾（伊面底），两只波龙都好新鲜，肉质爽甜弹牙，伊面挂满芝士汤汁，好惹味，令人回味无穷呀！龙趸鱼块好厚肉，骨腩唔会剩返啲骨俾你，都有好多肉食，非常正！最失望嘅系：小炒王里面嘅象拔蚌略嫌过熟，好似食紧擦纸胶咁！至于其他菜式就不过不失，总括嚟讲全餐饭都有80分！我地都食得好开心呀！另外，值得一赞嘅系帮我地分𩠌𠮶位服务员姐姐，态度非常好！而家真系越嚟越少有咁好服务态度嘅员工架喇！