影片
更多
2015-02-24
7537 浏览
话说... 旧年12月Openrice联同Hong Kong Disneyland搞咗个Game -- OpenRice x 香港迪士尼乐园 - 分享奇妙「滋」旅 赢取奇妙旅程, 于OpenRice提交食评, 获得最高食评分数的2位食家(金饭碗组及金筷子组各1名）, 可获得香港迪士尼乐园1日门票两张及迪士尼 好莱坞酒店园林景观客房住宿一晚(价值港币$3,540)... 我足足苦战咗1个月, 充满泪水与汗水与口水的一战... 终于抱得美鼠归!!! Yeah!!! 我得咗喇~~~原本想去加拿大前LaLa声去玩咗先, 点知酒店Full Booking, 结果拖到5月中... 贵人出门招风雨... 成个星期都雷暴呀!!! 激屎人...Check-in时酒店送咗张Chef Mickey Dinner Buffet Discount Coupon, 成人每位减$80, 又几吸引㖞... 就系咁, 2个无打算过系廸士尼食自助餐的人, 迷迷糊糊就订咗早段的枱... 无记错应该系5:30PM食到7:30PM... 食完仲赶得切坐Shuttle Bus入廸士尼乐园睇烟花...今日Lunch只吃了即食面,
话说... 旧年12月Openrice联同Hong Kong Disneyland搞咗个Game -- OpenRice x 香港迪士尼乐园 - 分享奇妙「滋」旅 赢取奇妙旅程, 于OpenRice提交食评, 获得最高食评分数的2位食家(金饭碗组及金筷子组各1名）, 可获得香港迪士尼乐园1日门票两张及迪士尼 好莱坞酒店园林景观客房住宿一晚(价值港币$3,540)... 我足足苦战咗1个月, 充满泪水与汗水与口水的一战... 终于抱得美鼠归!!! Yeah!!! 我得咗喇~~~原本想去加拿大前LaLa声去玩咗先, 点知酒店Full Booking, 结果拖到5月中... 贵人出门招风雨... 成个星期都雷暴呀!!! 激屎人...
Check-in时酒店送咗张Chef Mickey Dinner Buffet Discount Coupon, 成人每位减$80, 又几吸引㖞... 就系咁, 2个无打算过系廸士尼食自助餐的人, 迷迷糊糊就订咗早段的枱... 无记错应该系5:30PM食到7:30PM... 食完仲赶得切坐Shuttle Bus入廸士尼乐园睇烟花...
今日Lunch只吃了即食面, 刚才Check-in后又散步去维多利亚酒店, 行到脚跛, 好肚饿呀!!! 踏正5:30PM准时入闸...
订枱时职员话比张近Buffet吧的枱比我地, 我好紧张咁同佢讲"唔好呀, 我地钟意静静地, 越隐蔽越好"... 哈哈哈... 唔知佢会唔会以为我系小三呢?!! 结果... 比咗呢张窗口位大圆Sofa我地, 够晒静局, 舒服到晕, 可以好好Enjoy今晚的晚餐...
唔知系咪雷暴关系, 唔多见香港人, 5:30PM就要食晚饭实在太早, 内地游客亦少, 结果, 今晚早段得十几枱客, 唔使抢食, Very Nice!!!
食物款式实在太多, 不能尽录, 只好Post一部分Buffet吧相片...
Caution!!! 饿鬼出笼啦!!! Bee Boo Bee Boo...
识食当然要食长脚蟹!!! 好粗呀只脚, 仲要开晒边, 用叉一拮就轻易成只放入口, 大满足呀!!! 我好似食咗2 Round... (因为我系淑女, 要保持仪态, 唔可以好似其他食客咁叠起3-4层蟹脚系碟咁肉酸)
羊奶芝士好羊奶呀... 膻到呢... 咩咩声... 正!!! 南瓜意大利饭好Creamy呀, Unexpected咁有水准...
*0* WoW... 羊架呀!!! 翻本之作!!! 疯膻入骨, 肥美肉厚... 10个正!!! 厨房阿姨好好人, 我见羊架血淋淋, 问厨房阿姨羊架可唔可以要熟D, 厨房阿姨即刻话"紧系可以, 要几多件?"... 真系唔该晒...
印度咖喱同炒饭都好好味, Honey拎完又拎...
沙律款式多... 边食边玩寻找米奇游戏...
中式食物就一般般啦...
同场较量, 寿司相对质数较低...
甜品味道不过不失... 胜在款式几多, 有米奇公仔的当然较吸引(外型上)...
全晚见到最多人食的... 软雪糕是也!!! 可以自己唧, 好好玩...
自助晚餐包餐饮1杯... 饮热柠茶消滞...
食物质数唔太差, 味道比想像中好, 未食之前仲误以为佢的食物只会卖萌, 原来都唔系嘅...
自助晚餐成人每人HK$358, 再加一, 扣埋Check-in时酒店送咗张Chef Mickey Dinner Buffet Discount Coupon的HK$80, 2人承为HK$627, 都算OK抵啦~ 而家系市区都好难揾到呢个价...
今晚仲见到好多奇妙游客景象... 有大婶取整个大Pizza回座位, 佢得2个女人3个小童, 食完都滞晒啦, 仲点食其他o野呀?!! 又有大叔一拎就拎1座山的烧卖, 保守估计30粒以上, 哗, 钟意食都唔使拎咁多吓话, 佢都系1家3口, 食烧卖食滞啦... 之后见到好多小朋友的软雪糕都系净雪糕, 雪糕Corner明明有好多酱汁同装饰食用配料, 点解唔装饰下呢, 味道同口感都丰富D啦... 综合以上几点, 佢地仲未识真正享受人生...
张贴
