東湖海鮮酒家 (已結業)

有同事将要离开公司，我地晌呢间酒楼订左张十四人台饮farewell茶。我同四位同事先到，一出lift门口已经堆满人，环境几好地方好大，订台唔驶等而可以直接入座，因为无人带位，我地问左两个侍应先揾到，赫见我地被安排坐一张只放左十位既台，我问部长(著西装)呢张台会唔会坐到十四人，佢用walky问接待员︰152号台点坐十四人。我地就坐后过左一阵，佢就叫人换张大台俾我地，即系将圆形台面换上一张更大既，咁样就刚刚好够坐。虽然佢无讲唔好意思，但都唔系黑口黑面咁对住我地。我地叫左52个点心︰虾饺﹑烧卖﹑咸水角﹑炸云吞﹑煎萝卜糕﹑炸奶皇饱﹑炸虾卷﹑煎酿三宝﹑鲜虾肠粉﹑叉烧肠粉﹑牛肉球﹑香蒜鱿鱼﹑珍珠糯米鸡﹑水晶饱﹑南瓜饼﹑三样唔同既菜﹑西班牙鲜虾炒饭﹑红豆沙﹑绿豆沙﹑杨枝甘露…大家都觉得样样都唔错，无野唔好食。虾饺同烧卖水准属一般，同其他酒楼差唔多。不过要一提D肠粉，卖相唔系咁好，三碟都系卷得好难睇，但味道几好；咸水角同炸云吞好味，体积较细，一碟有四件；炸奶皇包就…都系普通奶皇包好食D。西班牙鲜虾炒饭D虾几大只，饭炒得刚好，有口感。我觉得糖水一般，红豆沙好烯，绿豆较出色。其他点心都唔错，感觉唔太油腻。