勁回味

营业中

休息中

印象中呢间寿司店开好晏，今日下午两点令钟来到，见到竟然有开门，就谂住买旧手卷食。如果未来过嘅人，其实好难揾到间舖嘅位置，一来个招牌已经甩哂色，二来门面好窄，好易擦身而过。餐牌选择好多，基本上咩选择同配塔都有。宜家啲寿司舖开到周围都系，同埋好多都系十令蚊有找，对比之下劲回味唔算平。我并非第一次前来，之前食过知道佢够新鲜同足料，所以就算觉得少少贵都想买来食。（今午实在太想食寿司！）三文鱼带子手卷 （$25）唔知几时开始习惯左食寿司唔点酱汁，咁先食到啲食材嘅鲜味。呢个手卷份量同新鲜度仲keep到，带子鲜甜，都大件厚身，一路咬一路唔舍得食哂。三文鱼切条，食到最尾都仲有，味道都唔错。失望嘅系啲紫菜仲系淋身，要咬住先扯开到。我用左个‘仲’字，因为好耐之前食几次都淋嘅。虽然紫菜系配角，啲料新鲜较重要，不过就令手卷整体口态失色左少少喇。希望下次去会有改善啦。