饞。台式食堂 (廈門街)

营业中

休息中

餐厅：馋。台式食堂地点：湾仔厦门街菜式：台湾野餐牌：几款面，饭，小食，原盅炖汤，茶饮。用QR code落单。牛肉面 $78牛肉面汤底我拣左原味，仲可以加$2拣四川麻辣。原味汤味道唔错，完全唔油，感觉好正宗。有牛肉三旧，算腍而啖啖肉，仲带少少筋位。个面系阳春面，幼身又有咬口，都唔错。配有唔少生菜，红白萝卜各一旧，同好多甜甜地既咸菜，另外洒上葱花，蔬菜份量都好多。台湾炸卤排骨饭 $59台湾炸卤排骨已经切好6大件，肉质超淋，带唔少肥膏，有一件连骨，面头洒上白芝麻粒，味道好入味，送饭一流。配有卤豆腐一片，卤蛋半只，生菜，咸菜同粟米粒，下底系珍珠米。盐酥鸡 跟餐加$20盐酥鸡一客六件，虽然唔系热辣辣，不过炸皮好脆，肉质都算嫩，味道咸度刚好。蜂蜜金桔柠檬 跟餐加$18蜂蜜金桔柠檬可以免费任选一款蒟蒻球或者椰果，我拣左椰果，下底真系有好多椰果，面头一片桔仔，我叫左少冰。味道清甜带微酸，加上爽口椰果，正！抹茶珍奶 跟餐加$18抹茶珍奶我叫左少冰同微甜，果然系微微甜，抹茶味淡淡地，珍珠都算烟韧，饮落都好滑溜。我加$1要外卖杯，饮唔嗮可以边行边饮。今餐食物质素都可以。餐厅装修光猛新净，座位及格。