饞。台式食堂

营业中

休息中

餐厅：馋。台式食堂地点：尖沙咀K11 Musea菜式：台湾野餐牌：几款面，饭，小食，原盅炖汤，茶饮，沙冰，咖啡。用QR code落单。牛肉面 $78牛肉面汤底我拣左原味，仲可以加$2拣四川麻辣。原味汤味道唔错，完全唔油，感觉好正宗。有牛肉三旧几，算腍而啖啖肉，仲带少少肥膏。个面系阳春面，幼身又有咬口，都唔错。配有生菜，入味红白萝卜各一旧，同好多甜甜地既咸菜，另外洒上葱花。碗面热辣辣，食完暖笠笠。炸物拼盘 $71炸物拼盘好丰富，有椒盐花枝丸3粒，好弹牙；府城虾卷6条，外脆而内弹牙；甜不辣份量好多，味道甜甜哋，口感烟烟韧韧；双色地瓜QQ球6粒，地瓜味唔错，甜甜哋。炸物热辣辣炸起，伴有甜酸酱可降温。芝芝芒芒同芝芝蜜桃大大杯，面头系满满一层芝士奶盖。芝芝芒芒 跟餐加$35芝芝芒芒呈浅黄色，味道天然带芒果香甜味，伴少少咸香芝士奶盖正呀！芝芝蜜桃 跟餐加$35芝芝蜜桃呈浅粉红色，蜜桃味都好好饮，味道唔错！今餐食物质素唔错。餐厅装修光猛新净，座位及格。平日午市都好多食客。