釣魚翁 燒鵝．海鮮飯店 (已結業)

朝早送完亞女返學搵個地方飲早茶，位於迎海嘅釣魚翁之前食過幾次，都不過不失。為咗方便泊車，今次你試吓個早茶。店內都算大，但早上九點幾都要等位。可以揀搭枱或者唔搭枱。兩個人點左4碟點心，埋單$105算係幾抵。鹹肉糭令人驚喜，裏面嘅餡料都幾多，葉左五香粉嘅肥豬膏非常香口，對於我鍾意食肥膩野嘅人講真係好吸引。菠蘿叉燒酥一上枱我有啲surprise，點解冇菠蘿皮嘅？原來叉燒餡入面混咗菠蘿肉，呢個配搭都幾特別。而且酥皮層次好豐富，入口鬆脆。燒賣同埋潮州粉果就屬於正常水準，不過不失。唯一有啲失望嘅係水唔夠熱，飲茶最緊要水滾茶靚，呢方面可以改善一下。