釣魚翁 燒鵝．海鮮飯店 (已結業)

朝早送完亚女返学揾个地方饮早茶，位于迎海嘅钓鱼翁之前食过几次，都不过不失。为咗方便泊车，今次你试吓个早茶。店内都算大，但早上九点几都要等位。可以拣搭枱或者唔搭枱。两个人点左4碟点心，埋单$105算系几抵。咸肉糭令人惊喜，里面嘅馅料都几多，叶左五香粉嘅肥猪膏非常香口，对于我钟意食肥腻野嘅人讲真系好吸引。菠萝叉烧酥一上枱我有啲surprise，点解冇菠萝皮嘅？原来叉烧馅入面混咗菠萝肉，呢个配搭都几特别。而且酥皮层次好丰富，入口松脆。烧卖同埋潮州粉果就属于正常水准，不过不失。唯一有啲失望嘅系水唔够热，饮茶最紧要水滚茶靓，呢方面可以改善一下。