御の味 (已結業)

今日同朋友嚟到呢家日本餐廳食飯，環境都幾唔錯，幾開揚闊落。銀鱈魚西京燒配立魚湯稻庭烏冬，銀鱈魚有兩大塊，外表煎得香脆，內裡肉汁嫩滑多汁，食到好香口，唔會有冰鮮味。烏冬滑嫩嘅口感，湯汁清甜。味道唔錯。黑豚肉生姜燒定食，因為朋友唔食豬，因為好怕豬果陣騷味，淨係接受到黑豚肉嘅味道，因為黑豚係唔會有普通豬嘅腥臊味。我睇黑豚肉嘅分量都幾多，試咗一舊，口感軟嫩，煮得都夠入味。套餐仲有包多款三片刺身，沙律，燉蛋，仲有飲品，好飽肚。