郴州魚粉

营业中

休息中

因公司同内地经常有来往，间中同国内同事聊起有咩好食，同事就推介我来试下佢家乡菜。餐厅位于界限街，地铁站行几分钟就到，都算方便。餐厅面积唔大，太约十几个位，今日大约七点来到，唔需要等位。餐牌比较简单，有6款粉拣，另外亦有几款小食。今日叫咗郴州鱼腩粉及泡椒鸡翼。泡椒鸡翼 :三只盛惠廿蚊，鸡翼腌得入味，入口时只有微辣，但一路食辣味就慢慢渗出黎，越食越开胃。郴州鱼腩粉 :因为唔知有几辣，所以只系叫咗小辣。上台时香气十足，汤头望落唔觉得辣，但一饮就知唔系清汤咁简单，同麻辣嘅刺激感唔同，米椒汤饮落感觉清新，辣味慢慢涌出黎，辣得好舒服。鱼腩够滑够淋，骨比想像中少，唔会食到好累。总括黎讲，呢间小店嘅鱼粉唔系好多地方食到，下次有机会真要试埋其他粉类。