影片
更多
2012-12-26
544 浏览
圣诞节正日冇节目，冇地方好去，突然兴起想外出，结果想起一直以黎都好想去既Teavers，竟然想去就去，之后都唔知有冇时间去咁远。西湾河，一个好陌生既地方，如果唔系去Teavers既话都唔会过黎。好彩铺头同地铁站距离唔系太远，行10-15分钟已经到，周围环境舒适宁静，我最like就系咁地方食野。由于冇食lunch同早餐，入到去一定要劲试。地方唔大，好彩都唔驶等位，入到去店员已经安排入座，坐左阵，睇住个Menu，揾极都揾唔到野食，只系得d 甜品同饮品，心谂，心谂，搅咩呀!!!唔知系唔系店发觉，佢好快同我讲话由于野食既Menu得一份，要转头先有得睇。咁冇计啦，睇住野饮先。同时间，店员放低咗一大set用test tube装住既茶叶，店员细心咁介绍唔同既茶叶，感觉好pro，好似真系上紧堂咁，如果有试茶会你话几好呢!!!! =.=店员行开咗之后，我续只茶拎黎闻下，唔同既茶有唔同既味道，令我最印象深刻既系"银针白毫"既茶叶，以前听得多，知道呢只茶系几名贵，第1次见，果然够香。其次系极品猴子采，个名几特别，店员介绍完亦有本menu讲解每种茶既特点同好处，哗....好鬼pro呀....肚饿既我睇完茶叶，
西湾河，一个好陌生既地方，如果唔系去Teavers既话都唔会过黎。好彩铺头同地铁站距离唔系太远，行10-15分钟已经到，周围环境舒适宁静，我最like就系咁地方食野。
由于冇食lunch同早餐，入到去一定要劲试。地方唔大，好彩都唔驶等位，入到去店员已经安排入座，坐左阵，睇住个Menu，揾极都揾唔到野食，只系得d 甜品同饮品，心谂，心谂，搅咩呀!!!唔知系唔系店发觉，佢好快同我讲话由于野食既Menu得一份，要转头先有得睇。咁冇计啦，睇住野饮先。同时间，店员放低咗一大set用test tube装住既茶叶，店员细心咁介绍唔同既茶叶，感觉好pro，好似真系上紧堂咁，如果有试茶会你话几好呢!!!! =.=
店员行开咗之后，我续只茶拎黎闻下，唔同既茶有唔同既味道，令我最印象深刻既系"银针白毫"既茶叶，以前听得多，知道呢只茶系几名贵，第1次见，果然够香。其次系极品猴子采，个名几特别，店员介绍完亦有本menu讲解每种茶既特点同好处，哗....好鬼pro呀....
肚饿既我睇完茶叶，就立即叫野食，谂住叫个Tiramisu啦，点知话冇货。哎吔，激死，咁冇就只好唔食甜品啦。Order咗煽肠仔卷同法式迷你苋菜野菌挞、加多个厚砌多士(多4种唔同既酱可供拣选 - 玫瑰花甜桃酱、鲜草莓、百香果芒果、焦糖核桃，正!!!)我拣咗焦糖合桃。野饮就拣咗佢一杯出名既榛子马骝搣拿铁。我谂应该食得哂挂...
野饮好快就到，榛子马骝搣拿铁，用虹吸既技术黎黎冲茶第1次见，见好似几pro同几靓咁，杯野饮应该会唔错。榛子味够，唔会太浓，饮多少少马骝搣同拿铁味都饮到出黎，好奇怪，冇谂过可以mix埋，亦估唔到咖啡同茶既混合体原来都几好饮，响冬天呢个咁冻既日子，饮杯暖野一流。值得一提系，只杯唔会太热，可以拎住饮，完全唔会太热，但饮落完来都几热，呢个几细心。
冇几耐，厚砌多士到喇，肚饿既我立即连拿铁都唔饮，食野先。我果然冇拣错焦糖合桃酱，甜甜地既焦糖加上细细粒既合桃，令我谂番起细细个食既花生酱面包，"4块厚砌多士，我块块都搽到满哂焦糖合桃酱，好好食，但有d可惜系，多士唔够热，如果再暖多少少(当然唔好太热)就最prefect。
跟住黎既系煽肠仔卷同法式迷你苋菜野菌挞，迷你版，可以一口一个。先试个煽肠仔卷，唔知系唔系太细个呢，只系感受到好少肠仔，少热味道都叫ok啦，卷得都够实唔会咁易跌出黎。而个法式迷你苋菜野菌挞，食到好名显既苋菜味，配合个迷你挞(皮少脆)，好食。一口一个，好好feel。
黎Teavers除咗想试下佢关于茶既出品之外，最特别系佢既环境，好舒服好自在，唔会太迫，亦唔会太赶，近海边，亦唔会太热，又一个relax既地方好去处。走之前买咗d茶叶返公司饮，见间铺头亦有茶壶茶叶卖，一流啦，未见过咁正既地方。
张贴
