Nomads (已結業)

今晚行街行到尖沙咀附近，夜晚唔知食乜好，于是就上网睇吓有咩好介绍。咁啱呢家餐厅有做半价优惠，仲要系自助餐任食，主要食嘅系蒙古菜，于是就试一试。入到去发现大部份食物都同普通自助餐无乜分别，比较特别嘅有呢个烧鸡腿同烧排骨，排骨既肉唔硬，鸡腿有咖喱味，食得出应该煮左好耐先有呢个味道。如果素食嘅人士可以试吓呢个素春卷，里面有好多种唔同嘅蔬菜，味道好丰富。另外仲可以自家制薄饼同埋有炒粉面饭，可以自己加唔同嘅配料同酱汁落去，最特别嘅就系有成吉思汗酱汁，即系蒙古式酱汁，感觉有少少辣，首次尝试感觉不错。