四季禅 (已結業)

月尾出粮，梗系食好啲，今次拣喺铜锣湾嘅四季襌，呢间野听就听得多，啲朋友讲话环境好，又坐得舒服，仲有半自助餐比你拣，讲到咁好，同男人去见识下先呢间四季襌喺登龙街金朝阳二期，小妹呢个路痴都揾左一阵，近住天桥果边入，上到29楼，一出已经有店员热情招呼，跟住经过一个食物区(就系自助餐区)就入到座位，位置果然舒适，卡位望到海景，加埋呢度暗灯嘅情调，都真系几岩情侣黎，听讲呢度嘅乌冬出名同自家制，小妹拣左个海鲜蕃茄汤自家制乌冬主菜上枱前会有是日精选寿司，今日系带子，火灸三文鱼，腐皮，蟹棒同海胆，呢五款虽然好似好普通，不过好新鲜，回本之作梗系海胆，好鲜甜，蟹棒肉质好坚挺，你想食几多都得，无限叫，前提系唔好浪费先啦讲返出个自助区，最欣赏佢个鹅肝多士，一啲都唔孤寒，一口一件，入口即溶，的确系好享受，不过胆固醇高嘅就要量力而为啦～原本听讲呢度系有生蚝供应，不过今晚净系见佢有长脚蟹同青口，无生蚝就有啲可惜啰～另外有各款嘅刺生寿司，又有八爪鱼丸想食其他野又可以拣自己沟沙律，同清酒煮蚬，选择都唔小，呢个头盘都够食到饱主菜上场，呢个海鲜蕃茄汤乌冬上枱果下，阵阵嘅蕃茄香飘过，乌冬烟un得黎有咬口，配合香浓蕃茄汤，