AJ's 斯里蘭卡餐廳 (已結業)

次次黎西贡都系食泰菜食炸orea，今次行远少少去试下全港唯一斯里兰卡餐厅!木屋小店好有异国情调，未order野食waitor已经畀左餐前小食我地食，脆卜卜蘸一蘸甜酸酱，好开胃!叫左二人套餐($439)，其实完全唔知斯里兰卡菜系食咩，见到有薄饼、咖哩，应该类似印度菜，餐饮就点左lion beer及Mango Lassi。前菜3选2,拣左斯式杂菜汤及斯式鸡肉汤个人中意鸡肉汤多d,好似忌廉薯仔浓汤,好味!主菜3选2,拣左斯里兰卡蕉叶鸡饭及咖哩牛配蒜薄饼蕉叶饭入面好多料，鸡蛋、炸薯波、腰果、酸菜等配鸡肉及黄姜饭，饭偏干身同埋都几辣至于咖哩牛明明点左辣但都系越食越辣，所以食左好多薄饼但冇咩食肉，薄饼卷成个山咁有两大片，正!甜品2选1 拣左特色地道 Watalappam(椰汁吉士)由椰汁、鸡蛋、黄糖、豆蔻及其他香料制成既布甸，质感似好湿身既蛋糕，几特别不过甜左d。