岩鹽日本料理 (利舞臺廣場) (已結業)

秋天起，最想食啲暖粒粒嘅野，所以黎咗试日式嘅煲仔饭~试之前先叫咗啲小食。三文鱼牛油果米子卷($48)，薄薄嘅米子包住厚切三文鱼、甘香嘅牛油果、仲有青瓜同沙律菜，非常清新开胃。蟹味噌甲罗烧伴法包($68)，以蟹盖黎装住蟹膏、鱼子、鹌鹑蛋，几有特色，蟹膏味非常香，配上法包后一硬一软，口感十足。日本南瓜天妇罗($58)，卜卜脆嘅外层，软绵绵嘅瓜肉，最特别嘅系配上粉色嘅岩盐，调味一流。终于到咗主角香鱼釜饭($128)喇，系餐厅出面可以见到厨师煮釜饭嘅过程。2人份量，除咗有一条香鱼之外，仲有栗子、豆、鸡蛋丝、冬菇丝。上枱后会有个漏斗计时，等一分钟先开盖，等佢嘅饭香更加均匀。未食已经闻到阵阵饭香，香鱼肉质鲜美，而且粒粒米饭都沾满上鱼香味。食到最下面侍应建议加入紫茶片同茶，好似茶渍饭咁食~最后叫咗一杯芒果梳打($28)，清爽怡人。