聯發茶餐廳

营业中

休息中

放工和同事去左法国医院探病后已经差不多晚上7点半, 近近地去九龙城揾食。行左几条街都无乜头绪, 可能又唔太肚饿。有几间新开的小店, 可惜也是满满人龙, 最后吸引左我地系入一间茶餐厅, 原因系推介炭火叉烧饭。餐厅叫, 与其他茶记无碍, 但十分光猛而且地方亦干净。餐牌食物款式唔算好多, 不过入得去真系想去试食炭火叉烧饭。叉烧饭有大及细, 大的$68, 细的$55, 价钱不包饮品。老实讲, 价钱真系贵。但讲到咁出名，我和同事最后叫了一个大炭火叉烧饭及快餐(炒蛋,牛油多士配热奶茶)快餐(炒蛋,牛油多士配热奶茶)牛油多士是用上厚多士, 炒蛋好大份,炒得好滑,蛋味浓。热奶茶因为怕训唔著, 只饮了几啖。无想过咁香咁滑,好好味。炭火叉烧饭最期待的炭火叉烧饭, 上枱时摆得好靓, 加上颜色鲜艳。红色=叉烧, 黄色=蛋黄, 白色=蛋白, 绿色=菜心。厚叉烧有8片, 肥瘦适中，肉质好淋身, 做得出色。还配有一只太阳蛋和一条菜。食后感觉不错, $68未免贵了一点, 如果可以配埋饮品, 成为套餐相信更吸引客人。