耆素銀杏館 (已搬遷) 新店位置

未食过全素餐，今日(22/5)就去左试！今晚唔系好多人，所以坐落好舒服，唔会好逼。 员工大部分都系老人家，「耆素」呢个名改得真贴切。 服务都好好。一坐低，就好贴心咁放低左个汤比我地。食到中途亦都有问我地要唔要添汤。素汤无味精，饮完唔会口渴，清得黎又甜。 今次就要左个贵啲但多啲款式嘅餐，谂住第一次就试下平时唔会主动买嘅「未来肉」，即系用植物元素整出黎嘅仿肉。耆素杂扒餐 $ 238呢个系「耆素杂扒餐」。入面有好多款仿肉，仲有我好钟意食嘅秋葵！ 讲左秋葵先，应该有处理过，无左啲滑潺潺嘅黏液。唔钟意呢啲黏液嘅朋友都可以试下。有个合桃酱可以点黎食，甜甜地唔错。 旁边嘅沙律菜同薯条都好新鲜。而且个薯条唔系空气薯条，食落好实在，炸得又啱啱好。 佢地嘅蔬菜都系自家农场种出黎，全部都系有机嘅，呢个位就加唔少分。 香草未来牛肉肠中间系香草未来牛肉肠，口感会比一般嘅珍宝肠弹牙，有较重嘅香草味同大豆味。 另外有块仿牛肉汉堡，口感同个肠差不多。但佢嘅大豆味会再重啲，个人觉得一般。 纯素芝士吉列豚肉扒最后要讲埋个吉列猪扒。佢嘅口感好似仿炸带子，我好钟意食！上面块素芝士比平时嘅芝士挺身，但味道好相似，好搭个素猪扒。