影片
更多
2010-09-21
86 浏览
师傅都有一段短时间冇同大粒墨食饭, 咁啱大家倾开计就决定揾晚出黎食饭, 而呢一晚就喺个几星期前完成左! 细问大粒墨想食咩, 佢谂左一阵记得师傅话过想试金牌小龙, 于是就提议呢间, 及后师傅话比佢知口碑唔系太好, 应该可以唔试, 所以决定换个地点!于是大粒墨就话想食肉骨茶, 仲叫师傅揾地方, 但系师傅对肉骨茶一d都在行, 唯有上黎呢到摷下啦, 幸好揾到呢间食店, 于是比大粒墨睇下啦, 点知大粒墨话仲有另一间都好似得, 叫师傅再摷下, 当师傅揾到后再睇下个地址已经立即否决左, 鬼咩, 小西湾呀大佬? 师傅工作个环头已经够鬼, 小西湾咪鬼上加鬼, 咪搅!于是师傅早一日晚至电留枱, 由于要迁就大粒墨嘅关系, 所以师傅就订左七点四十五分; 当晚大粒墨可以早左放工, 所以七点松d已经到左天后, 慢慢行到去食店都系七点十五分! 而当日食神亦因为饭局取消, 所以师傅亦叫埋食神齐齐食饭, 实行多个人多把口多个胃, 咁样亦可以叫多d! 七点十五分到达食店, 店内唔算好大, 幸好有订到枱, 如果唔系黎到就一定摸门钉, 皆因全店爆棚, 就咁行埋黎系一定冇枱, 师傅估唔到呢间食店咁厉害, 但更估唔到时间咁早都有
于是大粒墨就话想食肉骨茶, 仲叫师傅揾地方, 但系师傅对肉骨茶一d都在行, 唯有上黎呢到摷下啦, 幸好揾到呢间食店, 于是比大粒墨睇下啦, 点知大粒墨话仲有另一间都好似得, 叫师傅再摷下, 当师傅揾到后再睇下个地址已经立即否决左, 鬼咩, 小西湾呀大佬? 师傅工作个环头已经够鬼, 小西湾咪鬼上加鬼, 咪搅!
于是师傅早一日晚至电留枱, 由于要迁就大粒墨嘅关系, 所以师傅就订左七点四十五分; 当晚大粒墨可以早左放工, 所以七点松d已经到左天后, 慢慢行到去食店都系七点十五分! 而当日食神亦因为饭局取消, 所以师傅亦叫埋食神齐齐食饭, 实行多个人多把口多个胃, 咁样亦可以叫多d!
七点十五分到达食店, 店内唔算好大, 幸好有订到枱, 如果唔系黎到就一定摸门钉, 皆因全店爆棚, 就咁行埋黎系一定冇枱, 师傅估唔到呢间食店咁厉害, 但更估唔到时间咁早都有少食客, 仲估唔到系师傅早到左亦不能入座, 理由系有些食客刚刚开始进餐, 亦有些食客就订左枱未到, 所以师傅唯有坐于门口坐慢慢等候; 至于临时加多左一个人竟系对呢间食店系一个难题, 原因系坐位有限所以未能临时加位, 所以大家下次订枱时记住报准人数! 喺等候期间师傅发现大粒墨十分活跃, 不时四围影相, 师傅真系估唔到大粒墨都有动的一面, 好不活泼!
终于等到够钟可以入座, 三个人坐于一张二人枱, 虽然系逼少少, 但亦无损大家嘅心情! 于是商量左一阵就决定柯打咖哩羊肉, 肉骨茶(大), 鱼饼同煎仓鱼, 而饮品师傅就拣左冻薏米水, 而大粒墨就拣左薏米水, 至于食神应该系啤酒啦! 落完单之后唔使等好耐就有得食, 不过食之前先讲下杯薏米水! 呢间食店食物唔使等好耐, 但相对饮品就等得较耐, 师傅记得有食家讲过呢度嘅薏米水好得, 所以点都要试下, 讲真薏米水应该系点, 咩味师傅一d印象都冇, 所以当饮下第一啖后唔觉有咩特别, 只觉得味道淡淡的, 一d都唔甜, 不过饮多几啖就觉得好清新, 加强够晒冻, 而薏米亦够腍, 所以都算唔错, 点都好过饮汽水!
第一道菜登场系咖哩羊肉, 咖哩羊肉配上油酥饼, 咖哩汁香香辣辣, 但不至于好辣, 但亦甚为惹味, 而油酥饼真的几油, 不过唔厚身而入口亦甚松软, 配上咖喱汁简直系天衣无缝, 加强羊肉亦算酥香, 唯一失望系肉身未算松软, 呢个位扣少少分; 主打当然系肉骨茶, 而是次亦系师傅第一次尝试肉骨茶, 可幸有食神在旁, 令师傅不至于一个大乡里; 肉骨茶一边滚一边吃, 十足十打边炉咁, 汤底才料十足, 药材味亦十分重, 不过入口就非常香甜, 而食神仲话肉骨茶最主要食个汤, 用汤黎捞饭, 即系肉骨茶汤饭啦! 虽然师傅冇试过捞饭, 但都想像得到有几掂, 至于肉骨茶内嘅肉亦十分松身, 而且好入味, 忽然间令师傅觉得自己好补呀! 而鱼饼一碟有六件, 鱼饼煎得香加上唔腥, 最抵赞系鱼饼肉冇碎骨, 虽未至于必食, 但亦值得表扬; 煎仓鱼都几大条, 而且煎到皮脆肉香, 都唔错!
总括黎讲食物质素不俗, 特别系肉骨茶真系十分吸引, 环境都舒服, 但略嫌冷气唔够, 一边食一边出汗, 唔好受, 服务态度十分殷勤同有热诚, 价钱唔贵, 百几蚊一位, 有咁嘅水准绝对收货! 当晚师傅虽然唔系好舒服, 所以食得唔多, 但首尝肉骨茶就已经回本, 加强大粒墨亦十分满意, 更令师傅感到安慰; 笑脸系值得一比, 有机会师傅一定会再黎!
张贴
