影片
更多
2019-07-03
224 浏览
元朗区嘅车仔面店，我地几钟意合兴。合兴车仔面喺元朗有两店，今次只系第一次黎新店，原来阔落咁多，而且感觉口味差异唔算大(我觉得呢边冇咁辣)店内装潢普通，约30个座位，枱面上放有餐具及点餐纸。餐牌供应一般车仔面配料，例如鱿鱼、大肠、猪肚、牛坑腩、鸡翼、丸饺、蔬菜等，定价每款9/10/15。可选配幼面、粗面、油面、河粉、米粉、濑粉。汤底分清汤、腩汁、卤汁、香辣汁，辣度分微、小、中、大。每碗最少点三款配料，而净𩠌则四款起。有啲配料去到下午茶时间多数沽清，例如饺、冬菇咁。香辣猪红、鸡翼、鱼片头幼面、微辣香辣汁 $40猪红系每次都会点嘅，有5至6粒，十分香滑，不易散开。鱼片头正常水准；鸡翼两只，煮得够腍，当然不及文记嘅招牌。幼面煮得比一般面店硬身，口感较爽。面嘅份量都唔少，基本上男士都够饱，而我三𩠌一面啱啱好微辣香辣汁刚好过瘾，唔会食到冒汗。金钱肚、猪耳、猪皮米粉、微辣卤汁 $44配料份量几大方，铺满成碗面，金钱肚大件，煮得腍身。猪耳清脆、猪皮入味。之前都有食过咖喱鱿鱼，同面分开上，酱汁甜辣，鱿鱼软腍，都唔错嘅。如果要再食，我谂我会黎分店喇，始终冇咁逼。
餐牌供应一般车仔面配料，例如鱿鱼、大肠、猪肚、牛坑腩、鸡翼、丸饺、蔬菜等，定价每款9/10/15。可选配幼面、粗面、油面、河粉、米粉、濑粉。汤底分清汤、腩汁、卤汁、香辣汁，辣度分微、小、中、大。每碗最少点三款配料，而净𩠌则四款起。有啲配料去到下午茶时间多数沽清，例如饺、冬菇咁。
香辣猪红、鸡翼、鱼片头幼面、微辣香辣汁 $40猪红系每次都会点嘅，有5至6粒，十分香滑，不易散开。鱼片头正常水准；鸡翼两只，煮得够腍，当然不及文记嘅招牌。幼面煮得比一般面店硬身，口感较爽。面嘅份量都唔少，基本上男士都够饱，而我三𩠌一面啱啱好微辣香辣汁刚好过瘾，唔会食到冒汗。
金钱肚、猪耳、猪皮米粉、微辣卤汁 $44配料份量几大方，铺满成碗面，金钱肚大件，煮得腍身。猪耳清脆、猪皮入味。
之前都有食过咖喱鱿鱼，同面分开上，酱汁甜辣，鱿鱼软腍，都唔错嘅。如果要再食，我谂我会黎分店喇，始终冇咁逼。
张贴
