霸嗎拉麵 (已搬遷) 新店位置

第1次黎呢间野，就食经典既口味啦！灸烧豚肉海苔味玉拉面($98)，一黎既闻到浓浓既汤底，饮一啖饮到相当浓既猪骨汤，油份亦岩岩好！然后再食啖面，面有挂起浓浓既汤底，但面条就过于淋左少少，1号比较中意硬身少少既面，唔知落单果时系咪可以要求架呢？下次可以试下，但由于吸收左汤底既浓猪骨味，所以味道又唔会话太差。之后就梗系要趁岩岩黎到食埋只溏心蛋，见佢表面既颜色都睇得出系入味既，食落去果然唔差，但可以再熟多少少，豚肉肥瘦分布够平均，整体味道都ok，但呢个价钱食就真系觉得唔系好抵。