沙田頭火鍋 (已結業)

最近真系打边炉打上瘾！系旺角咁岩见到有间新野就试一试佢！个名好特别，叫沙田头！一入去店员已经好热情咁介绍我地我地各种汤底，系佢嘅介绍之下，我地就试咗佢限定嘅鳄鱼底！本身我同男朋友对鳄鱼肉都有少少却步，但系店员拍心口保证好食，我地都决定一试！果然无令我地失望！个汤底一送上黎，直头觉得系汤料多过汤，有超多鳄鱼爪，猪骨，海底椰等等，所以个汤系超级超级鲜甜！直头先直接饮晒全个汤底佢！店员仲建议我地鳄鱼爪可以煮耐啲，块皮煮软咗口感会似猪皮，更加好味！食落鳄鱼皮就似系比较烟靭，而鳄鱼肉就系白肉，似嫩滑鸡腿肉嘅口感！另外我地仲叫咗个安格斯三拼，其中个牛胸油超级特别！食落系好爽口，真系有一股牛油味，但系唔油腻！安格斯牛粒同肥牛牛味几香，唔错！手打丸每款有两粒，啱晒我呢D中意样样试下嘅人！四宝饺粒粒都超足料，咬落啖啖肉！