豆漿大王

营业中

休息中

第一次食呢一间嘢。喺沙田揾食一系就食煎炸嘢，一系就烧肉一系就冰室一系就生冷嘅寿司，所以想食啲暖暖哋温和啲嘅嘢食，所以今日就试吓食呢一间。我今日礼拜日嘅大约2:30pm嚟到就冇套餐优惠。喺门口睇餐牌𠮶阵时都有啲难拣嘅。因为其实单独睇每样嘢廿零卅十，有啲六十几七十。佢卖返啲类似街市嘅嘢，但系佢个价钱mark up一倍。我本身都肚饿嘅，都谂住嗌饭或者面，但系我睇佢𠮶啲饭面款式好普通。最后落单嗌咗：一笼小笼包一碟炸豆腐同埋一碗云吞同埋嗌多两杯饮品（我嗌咗冻豆浆）食完整体都系失望嘅，呢度埋单都$126。同埋地方座位都逼夹。两个人食都同另外两个人坐卡位。对到正同埋枱面都唔大。总之迫啦，好局促啦。小笼包食落就好预制品嘅。云吞又普通，啲馅个调味极之普通啰讲唔上好味。跟住个炸豆腐，我谂住佢系有酿鱼肉落去嘅，点知我食到一半都冇肉嘅。原来成旧剩系炸豆腐，一啲肉都唔肯俾。咁样收$24 ／4旧啰。街市$20都有八旧煎酿三宝啦。最后个冻豆浆都系普通，所以全部嘢都普通啰。个豆浆唔重豆味，但又唔会话难饮，普通。$12一杯，但系份量都系足嘅，所以呢个都冇乜怨言嘅，份量方面。下次都唔会帮衬呢间，宁愿行入沥源食云吞面𠮶间。