豚王 (已搬遷) 新店位置

话说上次食唔到，劲多人排队，食左对面个间⋯今次行过见无人龙，系跑过去⋯哈⋯⋯我坐低左一阵就开始有人龙等，劲好彩闲人先生食过一次，但我就未食过，个餐牌选择少，多样样都解释得好详细。喱个真系几细心，个店员特登问我（因为我坐入面同佢有讲小姐）洗唔洗要围巾，我望一望自己件衫，原来我著左白色衫，唔知店员系特登问女仔定特登问白色衫嘅人呢，但真系几细心。赞！👍闲人先生叫左豚王，我叫左翠王，佢又要多油，又要硬面，我唔系几多试佢个碗，我怕食硬面，但系个汤底真系几好，我觉得太浓，而家啲拉面店好多都好个人化，自己想冧啲硬啲都可以翠王系橄榄加芝士粉，我觉得几好食，但唔知点解闲人先生唔钟意，可以芝士粉关系，带酸，橄榄油好香。啲面非常挂汤，唔知系咪橄榄油嘅关系，我觉得猪骨味无乜。靓叉烧！肥瘦相间！但我觉得翠王个汤底唔衬，豚王个汤底就好衬叉烧嘅味道，可能翠王略带酸啦，下次我都乖乖食返豚王或赤王我最欣赏嘅系佢嘅温泉蛋！唔似出面个啲水汪汪，蛋白外层系熟，但仲系流心，蛋味重，唔系生鸡蛋个种腥味，蛋外略带甜味，好好食，同闲人先生一人一只！嘿