龍皇酒家 (世貿中心) (已結業)

小妹系铜锣湾工作都成年啦，平时食lunch都系自家叮叮饭盒，或者同同事出去食下平野咁，赚得唔多，点都要睇住荷包做人既。今日就唔同啦，老细话万岁饮茶(可能因为接到大生意啦。)，终于可以试下贵野龙皇啦。炽哥平时电视就见得多，食佢间酒楼都系第一次。我地一早book左位，十个人可以坐窗口位，本身海景应该好靓既，但又落雨....叫咩食就大粒野发板啦，我有得食就得架啦！哈哈！首先黎既系烧腩仔，一粒粒咁切到好似骰仔咁。好味呀，皮够脆，肉够嫩！唔错！跟住有一般虾饺烧卖咁，唔算太大惊喜啦，中上程度。另外有个石头锅上的生煎包，几得意既，有埋d葱系底，会香d。但系我系上海食过太好味的生煎包了，珠玉在前，龙皇既都唔算太吸引我。但平心而论，龙皇的生煎包比香港好多间酒楼好，其他既大部份都又硬又油又无汁。甜品就有惊喜啦！食菠萝包食菠萝，好得意呀，香甜好味。其他重有d炒粉面饭，时茶咁，不太特别就唔讲了。今餐都几满意，多谢老细！食定呢餐又要番公司做野啦...