皇后飯店 (已結業)

第一次黎食，专程黎试下佢个焗猪扒饭，另外叫咗个罗宋汤，虾多士。罗宋汤几足料，当中啲肉够淋，好食，微辣，份量亦足，但稍为杰左少少。餐包有烘热，外皮有少少脆，如果再热啲会更佳。虾多士好大件，够热，不过个边有部份稍为硬左少少，薯条一般，应该唔系即炸，部份变左有啲硬同唔够热。焗猪扒饭个饭底我觉得一般，多啲蛋同干身啲会更佳，猪排唔够厚同个边唔脆，但味道系好食的，属中上。环境干净，舒适，待应服务都良好。整体都几好，不过如果想食焗猪排饭的话我都系会去我钟意的另外一间较好。