影片
更多
2014-04-27
682 浏览
本人甚少出街食米线,以往食米线大多数都系去谭仔云南米线,好多年前已经知道谭仔有o的舖系注明三哥,相信都系有关系,离不开亲戚关系,又或者系以前伙计大厨另起炉灶建立新品牌以前都想支持一下三哥,奈何佢o既分店数目较少,而且又唔系本人出没地方,无法让本人分辨两间米线专门店有乜野唔同地方近半年开始留意到谭仔三哥米线积极扩充分店数目,而且会o系对家舖位同区开新舖,甚至系附近开新舖添,蓝田直头玩到两间一左一右开o系隔离,可见竞争相当激烈葵涌广场分店o系三月底开张,真系估唔到商场重新规划店舖后,可以3楼有呢个细舖位开米线专门店,琴日见自己有o的感冒,好似冇乜胃口,谂住食碗酸辣米线会精神o的,午餐就黎到呢间新开o既谭仔三哥米线去到见到大约10个客人等位,门口有部自助排队机,想食米线就要去部机输入等位人数,之后拎筹,不过我问企o系门口店员一个人要唔要拎筹等位,估唔到佢即时带我入座,安排我坐o系一张圆枱最后一个座位,大家坐迫o的迁就下啦!我大概都知道自己想食乜,所以睇下餐牌价钱就落单,店员效率几高,拎住部山寨版电子手帐,记低我要乜野,我叫左一碗酸辣汤底墨丸米线$27及一杯冻柠檬茶 (跟餐加$6)呢间舖一𩠌米
以前都想支持一下三哥,奈何佢o既分店数目较少,而且又唔系本人出没地方,无法让本人分辨两间米线专门店有乜野唔同地方
近半年开始留意到谭仔三哥米线积极扩充分店数目,而且会o系对家舖位同区开新舖,甚至系附近开新舖添,蓝田直头玩到两间一左一右开o系隔离,可见竞争相当激烈
葵涌广场分店o系三月底开张,真系估唔到商场重新规划店舖后,可以3楼有呢个细舖位开米线专门店,琴日见自己有o的感冒,好似冇乜胃口,谂住食碗酸辣米线会精神o的,午餐就黎到呢间新开o既谭仔三哥米线去到见到大约10个客人等位,门口有部自助排队机,想食米线就要去部机输入等位人数,之后拎筹,不过我问企o系门口店员一个人要唔要拎筹等位,估唔到佢即时带我入座,安排我坐o系一张圆枱最后一个座位,大家坐迫o的迁就下啦!
我大概都知道自己想食乜,所以睇下餐牌价钱就落单,店员效率几高,拎住部山寨版电子手帐,记低我要乜野,我叫左一碗酸辣汤底墨丸米线$27及一杯冻柠檬茶 (跟餐加$6)呢间舖一𩠌米线系$26,若果叫多款𩠌系加$5,选择清汤汤底唔洗加钱,若果要酸辣,麻辣,或者煳辣汤底要加$1,选择三哥酸辣汤底就要加$2
对于食物辣度o既追求,每个人标准可以相差好远,有o的人少少辣都叫救命,有o的人就无辣不欢,甚至钟意食成只辣椒添,我食过好多品牌包装即食面,就算落晒成包汤粉都可以接受o个o的辣度,出街食酸辣米线,再配一杯冻饮系稳阵做法,唔怕辣到食唔落,以前食米线见过一个肥仔,叫左碗唔知乜野辣度米线,食左一两啖就拧头叫救命,埋单走人,真系浪费食物等候米线期间,留意下店内环境,虽然个舖位几细,仲要用左一半面积做厨房,估唔到仲可以设置大约8张圆枱,每张枱都系圆櫈,有人认为餐厅安排冇椅背圆櫈系想食客快o的食完走人,咁样容易翻枱做多o的生意,墙身系红色,写住 "无法复制的美味",似系令人觉得佢地同谭仔云南米线有分别,两者唔能够混为一谈,另外觉得谭仔三哥米线比较干净企理
等左大约5分钟,米线就送到我张枱,再过多几分钟,我杯冻柠檬茶都整好
呢碗米线有几多芽菜,酸菜及韭菜,另外有少少腐皮米线质地都算爽口,唔会太淋或者太硬
墨丸一碗有六粒,份量唔算少,好多舖头食粉面都系得四粒或者五粒,呢碗墨丸都几弹牙
感觉上呢碗酸辣汤底o的汤比较浓,酸中带微辣,就算唔饮冻饮都可以继续食落去,当然有野饮系最好,酸酸辣辣好醒胃,食左令人精神o的至于冻柠檬茶绝对交足货,估唔到有五,六块柠檬咁多,仲要系切得唔薄,真系感恩! 而家柠檬几贵,仲贵过橙,超级市场柠檬试过卖$5.5一个,而家好多茶餐厅o的柠檬茶都系悭住只落三片柠檬,若果落唔够柠檬,味道真系冇咁鲜味唔好饮
留意到呢间谭仔三哥米线职员比较后生,亦都有男店员,唔似得谭仔云南米线大多数系婶婶员工,店员见到客人食完米线就会好快行黎收碗及抹枱,算系几勤力,另外觉得员工比较注重服务质素,食客无论系离座,抑或到收银处俾钱,都会听到店员讲多谢好多人认为今时今日食米线算系平,其实都视乎同乜野比较,若果与车仔面比较就真系唔平,食车仔面系会平o的,而且差不多消费可以食多一,两款𩠌,米线只不过用只好大o既碗,落多o的汤,令人见到好满足感觉
近年新移民及内地游客多左,米线适合佢地北方人口味,所以市场就算有好多间米线专门店都一样咁好生意留意到谭仔三哥米线将会推出全新口味砂砂汤底,卖点系平过及正过马来喇沙,我谂迟o的都会试下,而家去比较大众化o既土司工坊食碗叻沙都要$45,若果大约$30食到叻沙汤底真系相当唔错
题外话/补充资料：
- 希望增设八达通付款
- 唔同地区分店价钱不同,好似铜锣湾而家$29一𩠌清汤米线,再加款𩠌系$6,另外一年前深水埗系$23一𩠌清汤米线,再加款𩠌系$4
(以上食记乃用户个人意见 , 并不代表OpenRice之观点。)
张贴
