Cafe de Paris Est. in Korea (已結業)

喺韩国一度风靡全城嘅鲜果沙冰店，上年驻入香港铜锣湾，同样成为少女们嘅潮圣热点。小编好奇点解会叫Café de Paris，原来系创办人喺法国留学时结识到太太，之后两人想将呢份浪漫甜蜜带返韩国，造就呢间好Sweet嘅Cafe。店舖以海外新鲜空运生果Bon Bon为主打，现时有士多啤梨、芒果、青提子、车厘子四款生果口味，店舖亦将推出不同新口味，好期待添。系呢度嘅热款Bon Bon杯，面层铺满大量由韩国新鲜直运到港嘅士多啤梨，粒粒都好大粒，而且香甜多汁。cream入口相当幼滑，就连怕肥腻嘅小编都忍唔住食多几啖。食到中间部分仲有冰凉士多啤梨沙冰，就算士多啤梨沙冰都系韩国直运鲜果酱再人手后制嫁。整一杯士多啤梨杯看似简单，但其实无论系食材定份量都好讲究。提子形成一个小山丘，骤眼睇应该有20~30粒提子，好震撼。提子系美国直运，粒粒青提似乎都有精心挑选过，食完成杯都无粒系唔新鲜嘅。店主好贴心，因应唔同客人需求，仲特别推出Mini Size嘅生果杯，同样有口味，细细杯最啱小朋友啦。