肉餅哥小炒料理 (已結業)

之前见到肉饼哥既报导都已经好吸引，拣左个吉日就同同事系沙田踩单车去到大围食左转肉饼哥！左拣又拣，其实特别贵既鹅肝啊花胶肉饼都想试，但此终第一次试，就试个相宜啲架啦！我就试左黄金肉饼，即系咸蛋肉饼啦！而我就拣左煎既！饭有菜饭、油饭同白饭可以拣，我比较怕油，所以拣左白饭。系野食未黎之前，先有碗西洋菜汤，饮落无味精！唔错唔错！座位都够阔落，系等野食黎既时候同同事们吹吹水都坐得舒服！肉饼到！可以见到肉饼好足料！好厚身，饭都好大碗！咸蛋黄好香，肉饼咬落直情系口入面feel到佢有几厚身，食得出肉饼真系用心做，唔会实的的，亦唔会太多粉！煎得好好，只系比较多油！同事们都好满意！下次再试其他！