Mini Friday (銅鑼灣廣場二期) (已結業)

几年前成日去观塘店，今次试吓铜锣湾店，面积比观塘细，好彩有book位，依家改咗用QRcode自助落单餐前小食，同观塘店一样都系薄脆配千岛酱大虾配香草牛柳 $278牛柳拣咗五成熟丶汁另上，熟成度控制恰当，牛柳嫩滑易咀嚼，配菜都唔差，有芦笋丶薯蓉丶加咗芝士碎&微微烤过嘅蕃茄，只系大虾比预期细只咗啲啲。白咖哩猪扒定食 $178见到有清酒煮蚬而吸引到我，白咖哩好味，猪扒份量比预期多，够软腍，蒜蓉炒杂菜好够蒜味，白饭大大碗，整体唔错。