小曼谷泰國美食 (已搬遷) 新店位置

早几日突然间好想食泰国野，难得今日收早✌🏻，咁就梗系约齐脚向九龙城出发，其实九龙城有好多间泰国菜，食过好多间，真心讲只有呢一间会系返转头再帮衬👍🏻，去到都只系18:10，所以冇咩人，唔驶等就可以马上入座，而服务员态度亲切👍🏻，1）极上烧安格斯西冷牛小排，烧得刚刚好，牛肉味好浓，油脂分布得不错👍🏻，只系上面加上少少盐就已经好好食👍🏻，绝对要试，2）明炉蒸乌头，鱼身好滑，好新鲜，因为本身个鱼汤系唔辣嘅，所以有两个汁系另上嘅，其实2个都系酸辣汁，但橙色𠮶个汁偏辣，而啡色𠮶一个汁就系偏酸，我个人比较喜欢啡色𠮶一个汁😝，3）泰王咖喱炒海鲜，呢个好香，仲要好大碟🙈，里面有，虾🦐、青口、鱿鱼🦑、带子同埋蚬，全部海鲜都非常新鲜虾同青口非常弹牙，而且蚬都非常大只，呢个咖喱唔系辣，但好香👍🏻👍🏻，加埋蒜蓉包一齐食真系一流，4）蒜蓉包，好香蒜蓉味，焗到脆卜卜，5）饮品方面叫咗一个泰式龙眼冰同埋菠萝冰，两个都不错👌🏻，整体来讲绝对值得一试，个人推介泰王咖喱炒海鲜同埋极上烧安格斯西兰牛小排👍🏻👍🏻