首爾石鍋燒

营业中

休息中

食过好多间韩国嘢， 无论烧烤， 炸鸡 ，高级韩国餐厅。。等等。。 试匀咁多间我都系钟意食 首尔嘅豆腐锅。呢间餐厅最大特色我觉得系佢比较平民化嘅餐牌 ，价钱唔贵 ，而且亦都啱口味。。 适合我呢啲要睇budget 食饭嘅人！食过呢度嘅铁板饭，石锅伴饭，豆腐锅 ，我觉得最好食嘅都系豆腐锅类点咗呢个泡菜烤肉豆腐锅 汤底唔会太辣， 如果钟意食辣嘅可能要叫佢加辣! 汤底里面有 粉丝，滑豆腐，韩式烤肉，粟米， 半生熟蛋。。等等。。 啲粉丝好好食可能因为 索咗好多汤 。。饭跟啲汤食真系好开胃 我平时都唔多食白饭，但都忍唔住食晒啲饭 公司咁啱喺附近，所以收工成日都同同事一齐食， 通常 一人叫一个饭之后会加杯柚子蜜或者柑桔蜜因为有半价， 食完热嘢跟杯冻饮 舒服晒